濕疹係一種令人煩惱嘅皮膚病 ，會令皮膚產生痕癢、發炎、紅疹、紅斑、脫屑、水泡、流膿等情況，影響日常活動、學習、工作效率。要紓緩情況，科學地進行【濕疹護膚三部曲】就十分重要：

⭐Step 1 【清除皮膚表面壞菌 】：

必須使用溫和並有「抗菌成分」嘅沖涼液：濕疹皮膚表面一般都會有大量嘅黃金葡萄球菌，若果只用清水沖涼，根本冇辦法有效抑壓壞菌數量。亦盡量避免使用化學方法抗菌又或者有起泡劑成份嘅沖涼配方。

⭐Step 2 【抗菌塗層】：

唔好急住即刻做保濕！呢一個步驟亦都係最容易被忽略。如果皮膚表面傷口仍然好多，沖涼之後請用一次性嘅濕面巾印乾皮膚表面水份（暫時停止使用毛巾一段時間），之後均勻塗上一層抗菌成份嘅配方，建議挑選水狀以及容易推開嘅成份。 尤其是夏天天氣潮濕，皮膚出汗嘅情況增加 ，呢個步驟可以有效令患者喺下一次沖涼之前身上皮膚表面各類嘅壞菌以最慢速度生長，達致長效止痕作用。

⭐Step 3 【保濕】：

肌膚保濕可以幫助減少敏感甚至發炎狀況。選擇產品時，可以留意無香料同溫和嘅保濕霜，減少石油副產品嘅成份。要注意天然成份唔代表唔會引起敏感，例如有唔少患者正正就係對保濕成效顯著嘅「燕麥膠」、「甜杏仁油」等等有嚴重嘅敏感。所以有準確嘅致敏原檢測報告之前，就需要更加小心去選擇配方。

如欲查詢，歡迎透過WhatsApp 9549 7722 聯絡我們

香港濕疹處理中心 HKEZC擁有專業團隊，由香港大學醫學院免疫學博士、註冊藥劑師、營養學家、資深濕疹顧問等組成。成功實例超過1,000宗成功個案。中心利用數據化檢測，伙拍美國、德國、日本、香港中文大學等頂尖化驗所合作，為濕疹患者提供科學化檢測，找出觸發過敏反應的源頭，並進行濕疹處理。